2015 جىلعى 20 اقپان استانا قالاسى
ەسەپتىك ءتاريفتى ايقىنداۋ, شەكتى
جانە جەكە تاريفتەردى بەكىتۋ قاعيدالارىن بەكىتۋ تۋرالى
«ەلەكتر ەنەرگەتيكاسى تۋرالى» قازاقستان رەسپۋبليكاسىنىڭ 2004 جىلعى 9 شىلدەدەگى زاڭىنىڭ 5-بابىنىڭ 3) تارماقشاسىنا سايكەس بۇيىرامىن:
1. قوسا بەرىلىپ وتىرعان ەسەپتىك ءتاريفتى ايقىنداۋ, شەكتى جانە جەكە تاريفتەردى بەكىتۋ قاعيدالارىن بەكىتىلسىن.
1. قازاقستان رەسپۋبليكاسى ەنەرگەتيكا مينيسترلىگىنىڭ ەلەكتر ەنەرگەتيكاسى دەپارتامەنتى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن كۇنتىزبەلىك ون كۇن ىشىندە مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى ەنەرگەتيكا مينيسترلىگىنىڭ رەسمي ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋىن;
4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ەنەرگەتيكا مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى ەنەرگەتيكا ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى جانە 2016 جىلدىڭ 1 قانتارىنا دەيىن كۇشكە يە.
مينيستر ۆ.شكولنيك
«كەلىسىلگەن»
قازاقستان رەسپۋبليكاسىنىڭ ۇلتتىق ەكونوميكا ءمينيسترى
_________________ ە. دوساەۆ
2015 جىلعى 19 ناۋرىز
قازاقستان رەسپۋبليكاسى ەنەرگەتيكا ءمينيسترىنىڭ
2015 جىلعى 20 اقپانداعى №105 بۇيرىعىمەن بەكىتىلگەن
ەسەپتىك ءتاريفتى ايقىنداۋ, شەكتى جانە جەكە تاريفتەردى بەكىتۋ قاعيدالارى
1. جالپى ەرەجەلەر
1. وسى ەسەپتىك ءتاريفتى ايقىنداۋ, شەكتى جانە جەكە تاريفتەردى بەكىتۋ قاعيدالارى (بۇدان ءارى – قاعيدالار) «ەلەكتر ەنەرگەتيكاسى تۋرالى» قازاقستان رەسپۋبليكاسىنىڭ 2004 جىلعى 9 شiلدەدەگi زاڭىنىڭ (بۇدان ءارى – زاڭ) 5-بابى 3) تارماقشاسىنا سايكەس ازىرلەندى جانە ەلەكتر ەنەرگياسىن ءوندىرۋ سالاسىنىڭ ينۆەستيتسيالىق تارتىمدىلىعىن قامتاماسىز ەتۋ ءۇشىن ەنەرگيا ءوندىرۋشى ۇيىمدار بوساتاتىن ەلەكتر ەنەرگياسىنا ەسەپتىك ءتاريفتى ايقىنداۋ, شەكتى جانە جەكە تاريفتەردى بەكىتۋ ءتارتىبىن بەلگىلەيدى.
2. وسى قاعيدالاردا مىناداي ۇعىمدار پايدالانىلادى:
1) مەملەكەتتىك ورگان – تابيعي مونوپوليالار سالالارىنداعى جانە رەتتەلەتىن نارىقتارداعى باسشىلىقتى جۇزەگە اسىراتىن مەملەكەتتىك ورگان;
2) ۋاكىلەتتى ورگان – ەلەكتر ەنەرگەتيكاسى سالاسىندا باسشىلىقتى جۇزەگە اسىراتىن مەملەكەتتىك ورگان.
وسى قاعيدالاردا پايدالانىلاتىن وزگە ۇعىمدار مەن انىقتامالار قازاقستان رەسپۋبليكاسىنىڭ ەلەكتر ەنەرگەتيكاسى سالاسىنداعى زاڭناماسىنا سايكەس قولدانىلادى.
2. ەسەپتىك ءتاريفتى ايقىنداۋ ءتارتىبى
3. ەگەر ەنەرگيا ءوندىرۋشى ۇيىمنىڭ ينۆەستيتسيالىق مىندەتتەمەلەرىن شەكتى تاريفتەر شەڭبەرىندە ەلەكتر ەنەرگياسىن ساتۋدان الىناتىن قاراجات ەسەبىنەن جۇزەگە اسىرۋ مۇمكىن بولماعان جاعدايدا, ەنەرگيا ءوندىرۋشى ۇيىم ينۆەستيتسيالىق باعدارلامانى ىسكە اسىرۋ ءۇشىن ۋاكىلەتتى ورگاننىڭ تەحنيكالىق تاپسىرمانى بەكىتكەن جانە ينۆەستيتسيالىق شارت جاساسقان جاعدايدا, ەسەپتىك نەمەسە جەكە ءتاريفتى قولدانۋعا قۇقىلى.
4. ەنەرگيا ءوندىرۋشى ۇيىمنىڭ ءوتىنىمى بويىنشا ۋاكىلەتتى ورگان زاڭنىڭ 12-1-بابى 4-تارماعىنا سايكەس ينۆەستيتسيالىق باعدارلامانى ازىرلەۋگە ارنالعان تەحنيكالىق تاپسىرمانى بەكىتەدى.
5. ەنەرگيا ءوندىرۋشى ۇيىم بەكىتىلگەن تەحنيكالىق تاپسىرمانىڭ نەگىزىندە ينۆەستيتسيالىق باعدارلامانىڭ تەحنيكالىق-ەكونوميكالىق نەگىزدەمەسىن ازىرلەيدى جانە بەكىتەدى.
ينۆەستيتسيالاردىڭ وتەمدىلىگىنىڭ مەرزىمدەرى مەن ەلەكتر ەنەرگياسىنا باعالار ينۆەستيتسيالىق باعدارلامانىڭ تەحنيكالىق-ەكونوميكالىق نەگىزدەمەسىندە ايقىندالادى جانە سەگىز جىلدان ون ەكى جىلعا دەيىن قۇرالادى.
ەنەرگيا ءوندىرۋشى ۇيىم ينۆەستيتسيالىق باعدارلامانى ينۆەستيتسيالىق باعدارلامانىڭ تەحنيكالىق-ەكونوميكالىق نەگىزدەمەسى نەگىزىندە ازىرلەيدى جانە ەسەپتىك تاريف دەڭگەيى مەن ينۆەستيتسيالىق باعدارلامانىڭ ىسكە اسىرىلۋ مەرزىمدەرى تۋرالى اقپاراتتى قامتيدى.
6. ينۆەستيتسيالىق باعدارلاما ونى ىسكە اسىرۋ باستالعانعا دەيىن ينۆەستيتسيالىق شارت جوباسىمەن ءبىر مەزگىلدە ۋاكىلەتتى ورگان مەن مەملەكەتتىك ورگانعا بەرىلەدى.
7. ينۆەستيتسيالىق باعدارلامانىڭ نەگىزىندە ەنەرگيا ءوندىرۋشى ۇيىم زاڭنىڭ 12-1-بابى 4-تارماعىنا سايكەس ۋاكىلەتتى ورگانمەن جانە مەملەكەتتىك ورگانمەن ينۆەستيتسيالىق شارت جاساسادى.
8. ەسەپتىك ءتاريفتى قولداناتىن ەنەرگيا ءوندىرۋشى ۇيىمنىڭ ينۆەستيتسيالىق باعدارلاماسى جەكە جانە (نەمەسە) قارىز قاراجاتى ەسەبىنەن قارجىلاندىرىلادى.
9. ەسەپتىك تاريف زاڭنىڭ 12-1-بابى 5-تارماعىنا سايكەس ازىرلەنگەن جانە بەكىتىلگەن ينۆەستيتسيالىق باعدارلامانىڭ تەحنيكالىق-ەكونوميكالىق نەگىزدەمەسىندە بەلگىلەنگەن ەلەكتر ەنەرگياسىنىڭ باعاسىنان اسپايدى.
10. ەنەرگيا ءوندىرۋشى ۇيىم ەسەپتىك ءتاريفتى ينۆەستيتسيالىق شارتتى جاساسقان ساتتەن باستاپ قولدانادى جانە ول ينۆەستيتسيالىق شارتتا كوزدەلگەن ينۆەستيتسيالىق مىندەتتەمەلەردىڭ ورىندالۋ كەزەڭى ىشىندە ارەكەت ەتەدى.
11. ەسەپتىك تاريف قولدانىستاعى ينۆەستيتسيالىق باعدارلامانى تۇزەتكەن جاعدايدا وزگەرەدى.
12. قولدانىستاعى ينۆەستيتسيالىق باعدارلامانى تۇزەتۋ كەزىندە ەسەپتىك تاريف زاڭنىڭ 12-1-بابى 5-تارماعىنا سايكەس جوبالاۋ-سمەتالىق قۇجاتتامانىڭ وزگەرىستەرىمەن كەلىسكەن جاعدايدا, ينۆەستيتسيالىق باعدارلامانىڭ تەحنيكالىق-ەكونوميكالىق نەگىزدەمەسىندە بەلگىلەنگەن ەلەكتر ەنەرگياسىنىڭ باعاسىنان اسۋىنا جول بەرىلەدى.
ينۆەستيتسيالىق شارتقا قوسىمشا كەلىسىم جاساسقاننان كەيىن جاڭا ەسەپتىك تاريف قولدانىلادى.
3. شەكتى ءتاريفتى بەكىتۋ ءتارتىبى
13. شەكتى تاريفتەردى ۋاكىلەتتى ورگان ەنەرگيا ءوندىرۋشى ۇيىمداردىڭ توبى بويىنشا جىلدارعا بولە وتىرىپ, كەم دەگەندە جەتى جىل مەرزىمگە بەكىتەدى جانە سالانىڭ ينۆەستيتسيالىق تارتىمدىلىعىن قامتاماسىز ەتۋدىڭ قاجەتتىلىگى ەسەپكە الىنىپ, جىل سايىن تۇزەتىلىپ وتىرادى.
14. ۋاكىلەتتى ورگان ەنەرگيا ءوندىرۋشى ۇيىمداردىڭ توپتارىن زاڭعا سايكەس قالىپتاستىرادى.
15. ەنەرگيا ءوندىرۋشى ۇيىمدار توبى زاڭعا سايكەس بەلگىلەنگەن تارتىپپەن مىناداي ولشەمدەر بويىنشا قالىپتاسادى: ەنەرگيا ءوندىرۋشى ۇيىمداردىڭ ءتۇرى, بەلگىلەنگەن قۋاتى, پايدالانىلاتىن وتىن ءتۇرى, وتىننىڭ ورنالاسقان جەرىنەن قاشىقتىعى.
ەنەرگيا ءوندىرۋشى ۇيىمدار «ەنەرگيا ءوندىرۋشى ۇيىمداردىڭ ءتۇرى» ولشەمى بويىنشا ەلەكتر ستانتسيالارىنىڭ مىناداي تۇرلەرىنە بولىنەدى:
1) كوندەنساتتىق – تەك قانا ەلەكتر ەنەرگياسىن وندىرەتىن ەلەكتر ستانتسياسى;
2) جىلۋ ەلەكتر ورتالىعى – ەلەكتر ەنەرگياسىن وندىرۋمەن قاتار, جىلۋمەن جابدىقتاۋدىڭ ورتالىقتاندىرىلعان جۇيەلەرىندەگى جىلۋ ەنەرگياسىنىڭ كوزى بولىپ تابىلاتىن جىلۋ ەلەكتر ستانتسياسى;
3) گاز-تۋربينالىق – گاز تەكتەس وتىن ءتۇرىن ەنەرگيا كوزى رەتىندە پايدالاناتىن ەلەكتر ستانتسياسى;
4) سۋ ەلەكتر ستانتسياسى – سۋ اعىنى ەنەرگياسىن ەنەرگيا كوزى رەتىندە پايدالاناتىن ەلەكتر ستانتسياسى.
ەنەرگيا ءوندىرۋشى ۇيىمدار «بەلگىلەنگەن قۋاتى» ولشەمى بويىنشا 100 مەگاۆاتتقا (بۇدان ءارى – مۆت) دەيىن, 100 مۆت-تان 300 مۆت-قا دەيىن, 300 مۆت جانە ودان جوعارى بولىپ بولىنەدى.
ەنەرگيا ءوندىرۋشى ۇيىمدار «پايدالانىلاتىن وتىن ءتۇرى» ولشەمى بويىنشا كومىرمەن, جەرگىلىكتى گازبەن, يمپورتتالعان گازبەن, مازۋتپەن جۇمىس ىستەيتىندەر بولىپ بولىنەدى.
ەنەرگيا ءوندىرۋشى ۇيىمدار «وتىننىڭ ورنالاسقان جەرىنەن قاشىقتىعى» ولشەمى بويىنشا 500 كيلومەترگە (بۇدان ءارى – كم) دەيىن, 500 كم-دەن 1000 كم-گە دەيىن, 1000 كم جانە ودان جوعارى بولىپ بولىنەدى.
16. ەگەر ەنەرگيا ءوندىرۋشى ۇيىمنىڭ قۇرامىنا ءبىر-بىرىنەن ەرەكشەلەنەتىن بىرنەشە ەلەكتر ستانتسياسى كىرەتىن بولسا, وندا اتالعان ەنەرگيا ءوندىرۋشى ۇيىم جەكە توپ بولىپ قالىپتاسادى.
17. ەنەرگيا ءوندىرۋشى ۇيىم زاڭنىڭ 12-1-بابى 2-تارماعىنا سايكەس ەلەكتر ەنەرگياسىنا بوساتىلاتىن باعانى دەربەس, بىراق ءوزى ەنگىزىلگەن ەنەرگيا ءوندىرۋشى ۇيىمداردىڭ ءتيىستى توبىنىڭ شەكتى تاريفىنەن اسپايتىنداي ەتىپ بەلگىلەيدى.
18. شەكتى تاريفتىڭ نەگىزىن انىقتاۋ ءۇشىن بازانى ەسەپتەۋ ماقساتىندا زاڭنىڭ 12-1-بابى 2-تارماعىنا سايكەس ەنەرگيا ءوندىرۋشى ۇيىمدار تۇتىنۋشىلارعا بولە وتىرىپ, ايلار بويىنشا شەكتى تاريفتەر ەنگىزىلگەن جىلدىڭ الدىنداعى جىل ىشىندە قالىپتاسقان ەنەرگيا ءوندىرۋشى ۇيىمدار ناقتى بوساتۋ باعالارى تۋرالى جيىنتىق دەرەكتەردى ۋاكىلەتتى ورگانعا بەرەدى.
ەنەرگيا ءوندىرۋشى ۇيىمداردا شەكتى تاريفتەر ەنگىزىلگەن جىلدىڭ الدىنداعى جىل ىشىندە قالىپتاسقان ەلەكتر ەنەرگياسىنىڭ ناقتى باعالارىنا سالىستىرمالى تالداۋدىڭ ناتيجەلەرى بويىنشا ۋاكىلەتتى ورگان بازاسىن: ەنەرگيا ءوندىرۋشى ۇيىمداردىڭ ءار توبى بويىنشا ناقتى باعالاردىڭ ەڭ جوعارى ماندەرىن ايقىندايدى.
19. شەكتى تاريف ونىڭ قولدانىلۋىنىڭ ءبىرىنشى جىلى, ينفلياتسيالىق پروتسەستەردى قوسا العاندا, ەنەرگيا ءوندىرۋشى ۇيىمداردىڭ قولدانىستاعى اكتيۆتەردى جۇمىسقا قابىلەتتى جانە تەحنيكالىق جارامدى كۇيدە ۇستاۋعا, قولدانىستاعى اكتيۆتەردى كەڭەيتۋگە, جاڭارتۋعا, قايتا جاڭارتۋعا جانە تەحنيكالىق قايتا جاراقتاندىرۋعا, جاڭا اكتيۆتەردى قۇرۋعا كەتەتىن شىعىندارىن, ەنەرگەتيكالىق وتىن باعاسىنىڭ بولجامدى ءوسۋىن ەسكەرە وتىرىپ, شەكتى تاريفتەردى ەنگىزگەن جىلدىڭ الدىنداعى جىل ىشىندە ەنەرگيا ءوندىرۋشى ۇيىمداردىڭ ءتيىستى توبىندا قالىپتاسقان ەڭ جوعارى ناقتى باعاسىنا قاراي انىقتالادى.
20. كەيىنگى جىلدارعا ارنالعان شەكتى تاريفتەر جىل الدىنداعى شەكتى تاريفتەن ينفلياتسيانىڭ بولجامدى دەڭگەيىن, سونداي-اق ەنەرگيا ءوندىرۋشى ۇيىمداردىڭ جاڭا اكتيۆتەردى قۇرۋعا, قولدانىستاعى اكتيۆتەردى كەڭەيتۋگە, جاڭارتۋعا, قولداۋعا, قايتا جاڭارتۋعا جانە تەحنيكالىق قايتا جاراقتاندىرۋعا كەتەتىن شىعىندارىن, ەلەكتر ەنەرگياسىن وندىرۋگە ارنالعان نەگىزگى شىعىنداردىڭ بولجامدى ءوسۋىن ەسكەرە وتىرىپ, ايقىندالادى.
21. شەكتى تاريفتەردى ەنگىزۋدىڭ ءبىرىنشى جىلى ەنەرگيا ءوندىرۋشى ۇيىمداردىڭ توپتارى بويىنشا شەكتى تاريفتەردى ەنگىزۋ مەرزىمى شەكتى تاريفتەن اسپايتىن باعالار بويىنشا ەلەكتر ەنەرگياسىن ساتۋدى جۇزەگە اسىراتىن ۋاكىلەتتى ورگان مەن ەنەرگيا ءوندىرۋشى ۇيىم اراسىنداعى ينۆەستيتسيالىق مىندەتتەمەلەردى ورىنداۋ تۋرالى كەلىسىمگە (بۇدان ءارى – كەلىسىم) قول قويىلعان كۇننەن باستاپ بەلگىلەنەدى.
كەيىنگى جىلدارى سالانىڭ ينۆەستيتسيالىق تارتىمدىلىعىن قامتاماسىز ەتۋ قاجەتتىلىگىن ەسكەرە وتىرىپ تۇزەتىلگەن شەكتى تاريفتەردى ەنگىزۋ مەرزىمى جىل سايىن 1 قاڭتاردان باستاپ بەلگىلەنەدى.
22. زاڭنىڭ 12-1-بابى 2-تارماعىنا سايكەس كەيىنگى جىلدارعا ارنالعان شەكتى تاريفتەردى تۇزەتۋ ءۇشىن ەنەرگيا ءوندىرۋشى ۇيىمدار جىل سايىن 1 قىركۇيەككە دەيىنگى مەرزىمدە ۋاكىلەتتى ورگانعا قازاقستان رەسپۋبليكاسىنىڭ الەۋمەتتىك-ەكونوميكالىق دامۋىنىڭ ورتاشا مەرزىمدى جوسپارلارىندا كوزدەلگەن ينفلياتسيانىڭ بولجامدى دەڭگەيىن ەسكەرە وتىرىپ, راستايتىن قۇجاتتار مەن ەسەپتەردى قوسا, سونداي-اق جاڭا اكتيۆتەردى جاساۋعا, قولدانىستاعى اكتيۆتەردى كەڭەيتۋگە, جاڭارتۋعا, قولداۋعا, قايتا جاڭارتۋعا جانە تەحنيكالىق قايتا جاراقتاندىرۋعا باعىتتالعان ءىس-شارالاردى ىسكە اسىرۋدى ەسكەرە وتىرىپ, ەلەكتر ەنەرگياسىن وندىرۋگە كەتكەن نەگىزگى شىعىنداردىڭ بولجامدى ۇلعايۋى تۋرالى اقپاراتتى بەرەدى.
23. شەكتى تاريفتەن اسپايتىن باعالار بويىنشا ەلەكتر ەنەرگياسىن ساتۋ ءۇشىن ەنەرگيا ءوندىرۋشى ۇيىم زاڭنىڭ 12-1-بابى 3-تارماعىنا سايكەس ۋاكىلەتتى ورگانمەن كەلىسىم جاساسادى.
24. كەلىسىم جاڭا اكتيۆتەردى جاساۋعا, قولدانىستاعى اكتيۆتەردى كەڭەيتۋگە, جاڭارتۋعا, قولداۋعا, قايتا جاڭارتۋعا جانە تەحنيكالىق قايتا جاراقتاندىرۋعا باعىتتالعان ءىس-شارالاردى ىسكە اسىرۋ جونىندە ەنەرگيا ءوندىرۋشى ۇيىمنىڭ ينۆەستيتسيالىق مىندەتتەمەلەرىن كوزدەيدى.
جاڭا اكتيۆتەردى جاساۋ, كەڭەيتۋ, جاڭارتۋ, قايتا جاڭارتۋ قۋاتتاردى ارتتىرۋ ءۇشىن جۇزەگە اسىرىلادى.
قۋاتتاردى ارتتىرماي جۇزەگە اسىرىلاتىن ەلەكتر ستانتسيالاردىڭ قولدانىستاعى اكتيۆتەرىن جاڭارتۋ, قولداۋ, قايتا جاڭارتۋ جانە تەحنيكالىق قايتا جاراقتاندىرۋ ەلەكتر ستانتسياسىنىڭ بەلگىلەنگەن قۋاتىنىڭ تيىمدىلىگىن كەزەڭ-كەزەڭمەن ۇلعايتۋدى قامتاماسىز ەتەدى.
25. كەلىسىمدە ەنەرگيا ءوندىرۋشى ۇيىم ەلەكتر ستانتسياسىنىڭ بەلگىلەنگەن قۋاتىنىڭ تيىمدىلىگىن كەزەڭ-كەزەڭىمەن ۇلعايتۋدى جانە نەگىزگى قۇرالداردىڭ توزۋ دارەجەسىنىڭ تومەندەۋىن ايقىندايتىن كورسەتكىشتەردى ۋاكىلەتتى ورگانمەن كەلىسەدى.
26. زاڭنىڭ 12-1-بابى 3-تارماعىنا سايكەس ۋاكىلەتتى ورگان كەلىسىمدەردى ورىنداۋىنا مونيتورينگ جۇرگىزۋ ماقساتىندا ەنەرگيا ءوندىرۋشى ۇيىم ەسەپتى توقساننان كەيىنگى ايدىڭ 25-كۇنىنە دەيىنگى مەرزىمدە توقسان سايىن ۋاكىلەتتى ورگانعا كەلىسىمنىڭ ورىندالۋ بارىسى تۋرالى اقپاراتتى بەرەدى.
27. زاڭنىڭ 12-بابى 3-تارماعىنىڭ 2) تارماقشاسىنا سايكەس ەنەرگيا ءوندىرۋشى ۇيىم جىل سايىن 31 ناۋرىزعا دەيىن ۋاكىلەتتى ورگانعا كەلىسىمنىڭ ورىندالۋى تۋرالى ەسەپتى راستايتىن قۇجاتتاردى قوسا, سونداي-اق جابدىقتاردىڭ بەكىتىلگەن ەنەرگەتيكالىق سيپاتتامالارىن, جابدىقتىڭ تەحنيكالىق جاي-كۇيى تۋرالى تاۋەلسىز ەنەرگەتيكالىق ساراپتامانىڭ جانە (نەمەسە) مەملەكەتتىك ەنەرگەتيكالىق قاداعالاۋ جانە باقىلاۋ جونىندەگى مەملەكەتتىك ورگاننىڭ قورىتىندىسىن; ەلەكتر جانە جىلۋ ەنەرگيالارىن بوساتۋعا كەتكەن شارتتى وتىننىڭ ناقتى ۇلەستىك شىعىستارىن قوسا العاندا, جابدىقتاردىڭ تەحنيكالىق دۇرىس جاعدايىن, ونىڭ جۇكتەمەلەردى ورىنداۋعا دايىندىعىن راستايتىن ماتەريالداردى تاپسىرادى.
28. زاڭنىڭ 12-بابى 4-تارماعىنا سايكەس ەنەرگيا ءوندىرۋشى ۇيىم كەلىسىمدە كوزدەلگەن ينۆەستيتسيالىق مىندەتتەمەلەردى ورىنداماعان جاعدايدا, ەنەرگيا ءوندىرۋشى ۇيىم كەلىسىمدە ينۆەستيتسيالىق مىندەتتەمەلەردى ورىنداۋ ءۇشىن كوزدەلگەن جانە ولاردى ىسكە اسىرۋعا پايدالانىلماعان, الىنعان قاراجاتتى ەلەكتر ەنەرگياسىنىڭ كەلەسى كۇنتىزبەلىك جىلعا ارنالعان بوساتۋ باعاسىن تومەندەتۋ ارقىلى, وسى اقپاراتتى بۇقارالىق اقپارات قۇرالدارىندا ورنالاستىرا وتىرىپ, كوتەرمە ساۋدا نارىعىنىڭ سۋبەكتىلەرىنە قايتارادى.
وسى تارماقتىڭ ءبىرىنشى بولىگىندە كوزدەلگەن تالاپ كەلەسى كۇنتىزبەلىك جىلعا كەلىسىم جاساسۋ كەزىندە قازاقستان رەسپۋبليكاسى ۇلتتىق بانكىنىڭ كەلىسىم جاساسۋ كۇنگى قايتا قارجىلاندىرۋ مولشەرلەمەسىن ەسكەرە وتىرىپ, ورىندالماعان سوماعا قوسىمشا ينۆەستيتسيالىق مىندەتتەمەلەر قابىلداعان ەنەرگيا ءوندىرۋشى ۇيىمدارعا قولدانىلمايدى.
ەنەرگيا ءوندىرۋشى ۇيىم كەلىسىمدە كوزدەلگەن قوسىمشا ينۆەستيتسيالىق مىندەتتەمەلەردى كەلەسى كۇنتىزبەلىك جىلى ورىنداماعان جاعدايدا, ەنەرگيا ءوندىرۋشى ۇيىم وسى مىندەتتەمەلەردى كەيىنگى جىلدارعا قابىلدامايدى جانە ولار وسى تارماقتىڭ ءبىرىنشى بولىگىنە سايكەس كوتەرمە ساۋدا نارىعىنىڭ سۋبەكتىلەرىنە قايتارىلۋعا جاتادى.
كەلىسىمدە ينۆەستيتسيالىق مىندەتتەمەلەردى ورىنداۋ ءۇشىن كوزدەلگەن جانە ولاردى ىسكە اسىرۋعا پايدالانىلماعان قاراجاتتىڭ تۇپكىلىكتى سوماسى (Sك) قازاقستان رەسپۋبليكاسى ۇلتتىق بانكىنىڭ شەشىم قابىلداعان كۇنگە قايتا قارجىلاندىرۋ مولشەرلەمەسىن ەسكەرە وتىرىپ, مىنا فورمۋلامەن ايقىندالادى:
Sك=Sورىندالماعان+Sورىندالماعان*ك, مۇنداعى
Sك - كەلىسىمدە ينۆەستيتسيالىق مىندەتتەمەلەردى ورىنداۋ ءۇشىن كوزدەلگەن جانە ولاردى ىسكە اسىرۋعا پايدالانىلماعان قاراجاتتىڭ تۇپكىلىكتى سوماسى;
Sورىندالماعان - قايتا قارجىلاندىرۋ مولشەرلەمەسىن ەسكەرە وتىرىپ, الدىڭعى كۇنتىزبەلىك جىل ءۇشىن كەلىسىمدە ينۆەستيتسيالىق مىندەتتەمەلەردى ورىنداۋ ءۇشىن كوزدەلگەن جانە ولاردى ىسكە اسىرۋعا پايدالانىلماعان قاراجات, تەڭگە;
ك _ شەشىم قابىلدانعان كۇنگى قازاقستان رەسپۋبليكاسى ۇلتتىق بانكىنىڭ قايتا قارجىلاندىرۋ مولشەرلەمەسى, %.
قاراجاتتى قايتارۋدى ەنەرگيا ءوندىرۋشى ۇيىمدار مىنا فورمۋلانى قولدانا وتىرىپ, ءوزىنىڭ تۇتىنۋشىلارىنا ءتاريفتى تومەندەتۋ ارقىلى جۇزەگە اسىرۋى ءتيىس:
Tتومەند = Tكەلىسىم — Sك/Wجىلدىڭ سوڭىنا دەيىن, مۇنداعى
تتومەند _ الدىڭعى كۇنتىزبەلىك جىل ءۇشىن كەلىسىمدە ينۆەستيتسيالىق مىندەتتەمەلەردى ورىنداۋ ءۇشىن كوزدەلگەن جانە ولاردى ىسكە اسىرۋعا پايدالانىلماعان قاراجاتتى تۇتىنۋشىلارعا قايتارۋعا ارنالعان تومەندەتىلگەن تاريف;
تكەلىسىم _ ەنەرگيا ءوندىرۋشى ۇيىم قول قويعان كەلىسىمدە كوزدەلگەن اعىمداعى كۇنتىزبەلىك جىلعا ارنالعان تاريف;
Wجىلدىڭ سوڭىنا دەيىن _ اعىمداعى جىلدىڭ سوڭىنا دەيىن ەلەكتر ەنەرگياسىن وتكىزۋدىڭ بولجامدى, جيىنتىق كولەمى, كۆت.س.
قوسىمشا ينۆەستيتسيالىق مىندەتتەمەلەر قابىلداۋ نەمەسە ءتاريفتى تومەندەتۋ ارقىلى شەكتى تاريفتەردى قولدانۋدان الىنعان جانە ينۆەستيتسيالىق مىندەتتەمەلەردى ورىنداۋعا ارنالعان پايدالانىلماعان قاراجاتتى كوتەرمە ساۋدا نارىعىنىڭ سۋبەكتىلەرىنە قايتارۋ ۋاكىلەتتى ورگان مەن ەنەرگيا ءوندىرۋشى ۇيىمنىڭ اراسىندا جاسالاتىن ينۆەستيتسيالىق كەلىسىمگە قوسىمشا كەلىسىمدە كورىنىس تابادى.
4. جەكە ءتاريفتى بەكىتۋ ءتارتىبى
29. ەگەر ەنەرگيا ءوندىرۋشى ۇيىمنىڭ ينۆەستيتسيالىق مىندەتتەمەلەرىن شەكتى تاريفتەر شەڭبەرىندە ەلەكتر ەنەرگياسىن ساتۋدان الىناتىن قاراجات ەسەبىنەن جۇزەگە اسىرۋ مۇمكىن بولماعان جاعدايدا, ەنەرگيا ءوندىرۋشى ۇيىم ينۆەستيتسيالىق باعدارلامانى ىسكە اسىرۋ ءۇشىن ۋاكىلەتتى ورگان تەحنيكالىق تاپسىرمانى بەكىتكەن جانە وسى قاعيدالاردىڭ 4-7-تارماقتارىنا سايكەس ينۆەستيتسيالىق شارت جاساسقان جاعدايدا جەكە ءتاريفتى قولدانادى.
30. ينۆەستيتسيالىق مىندەتتەمەلەردى ەسەپتىك تاريف شەڭبەرىندە جۇزەگە اسىراتىن ەنەرگيا ءوندىرۋشى ۇيىمعا مەملەكەتتىك ورگانعا ينۆەستيتسيالىق باعدارلاما مەن ينۆەستيتسيالىق شارتتى قايتا ۇسىنۋ تالاپ ەتىلمەيدى.
31. ەنەرگيا ءوندىرۋشى ۇيىم جەكە ءتاريفتى ينۆەستيتسيالىق باعدارلاما مەن جوبالاۋ-سمەتالىق قۇجاتتامانىڭ پارامەترلەرىن ەسكەرە وتىرىپ قابىلداناتىن مەملەكەتتىك ورگاننىڭ شەشىمى نەگىزىندە ينۆەستيتسيالىق باعدارلامانى ىسكە اسىرۋدىڭ كەز كەلگەن ساتىسىندا قولدانادى.
32. ەنەرگيا ءوندىرۋشى ۇيىم ينۆەستيتسيالىق باعدارلامانى (قاراجات جۇمسالىمى) ىسكە اسىرۋ كەزەڭىندە جەكە ءتاريفتى بەكىتۋ ءۇشىن مەملەكەتتىك ورگانعا:
1) بەكىتىلگەن تەحنيكالىق تاپسىرما;
2) ينۆەستيتسيالىق باعدارلامانىڭ تەحنيكالىق-ەكونوميكالىق نەگىزدەمەسى;
3) ينۆەستيتسيالىق باعدارلاما;
4) ينۆەستيتسيالىق شارتتىڭ جوباسى;
5) نەگىزگى قۇرالدار قۇنىنىڭ, سالىق جانە ەكولوگيالىق تولەمدەردىڭ, امورتيزاتسيالىق اۋدارىمداردىڭ, نەگىزدەۋشى ماتەريالداردى قوسا, تىكەلەي ەلەكتر ەنەرگياسىن وندىرۋگە قاتىستى باسقا دا شىعىنداردىڭ ۇلعايۋىنا اكەلمەيتىن وتىنعا, شيكىزاتقا جانە ماتەريالعا, جالاقىعا, اعىمداعى جوندەۋگە ارنالعان شىعىنداردىڭ ەسەبى;
6) نەگىزدەۋشى ماتەريالدارمەن قوسا, بىرگە ينۆەستيتسيالىق باعدارلامانىڭ تەحنيكالىق-ەكونوميكالىق نەگىزدەمەسىندە بەلگىلەنگەن مەرزىمدەردە ينۆەستيتسيالاردى قايتارۋدى قامتاماسىز ەتەتىن پايدانىڭ ەسەبى قوسا بەرىلەتىن ءوتىنىمدى بەرەدى.
33. ەنەرگيا ءوندىرۋشى ۇيىم وبەكتىلەردى پايدالانۋعا بەرگەننەن كەيىن جەكە ءتاريفتى بەكىتۋ ءۇشىن مەملەكەتتىك ورگانعا:
1) ينۆەستيتسيالىق باعدارلاما;
2) ينۆەستيتسيالىق شارتتىڭ جوباسى;
3) بەكىتىلگەن تەحنيكالىق تاپسىرما;
4) راستاۋشى ماتەريالدارمەن قوسا, بىرگە ناقتى جۇزەگە اسىرىلعان ينۆەستيتسيالار تۋرالى اقپارات;
5) وبەكتىلەردى پايدالانۋعا بەرۋ اكتىلەرىنىڭ كوشىرمەلەرى;
6) نەگىزگى قۇرالدار قۇنىنىڭ, سالىق جانە ەكولوگيالىق تولەمدەردىڭ, امورتيزاتسيالىق اۋدارىمداردىڭ, نەگىزدەۋشى ماتەريالداردى كوسا بەرىلگەن تىكەلەي ەلەكتر ەنەرگياسىن وندىرۋگە قاتىستى باسقا دا شىعىنداردىڭ ۇلعايۋىنا اكەلمەيتىن وتىنعا, شيكىزاتقا جانە ماتەريالعا, جالاقىعا, اعىمداعى جوندەۋگە ارنالعان شىعىنداردىڭ ەسەبى;
7) نەگىزدەۋشى ماتەريالدارمەن قوسا, ينۆەستيتسيالىق باعدارلامانىڭ تەحنيكالىق-ەكونوميكالىق نەگىزدەمەسىندە بەلگىلەنگەن مەرزىمدەردە ينۆەستيتسيالاردى قايتارۋدى قامتاماسىز ەتەتىن پايدانىڭ ەسەبى;
8) ەسەپتىك ساياساتتىڭ كوشىرمەسى;
9) نەگىزدەۋشى ماتەريالدارمەن قوسا ينۆەستيتسيالىق باعدارلامانى ىسكە اسىرۋ ءۇشىن الىنعان قارىز قاراجاتتارى بويىنشا سىياقى تولەۋگە جۇمسالعان شىعىستاردىڭ ەسەبى قوسا بەرىلەتىن ءوتىنىمدى بەرەدى.
34. ينۆەستيتسيالىق باعدارلاما نەگىزىندە ەنەرگيا ءوندىرۋشى ۇيىم ۋاكىلەتتى ورگانمەن جانە مەملەكەتتىك ورگانمەن ينۆەستيتسيالىق شارت جاساسادى.
35. جەكە ءتاريفتى بەكىتۋگە ۇسىنىلاتىن ەسەپتەر مەن نەگىزدەۋشى ماتەريالدارعا مىنانداي تالاپتار قويىلادى:
1) راستايتىن قۇجاتتارعا ەنەرگيا ءوندىرۋشى ۇيىمنىڭ باسشىسى, ال قارجى قۇجاتتارىنا باسشى مەن باس بۋحگالتەر قول قويادى جانە تىگىلەدى;
2) تاريفتەرگە كولەمدەردىڭ ماۋسىمدىق اۋىتقۋ اسەرىن بولدىرماۋ ماقساتىندا نەگىزدەمەدە ءبىر جىلعا ەسەپتەلگەن دەرەكتەر قابىلدانادى;
3) كوممەرتسيالىق قۇپيانى قامتيتىن اقپارات «كوممەرتسيالىق قۇپيا» دەگەن بەلگىمەن بەرىلەدى جانە جەكە ءتاريفتى بەكىتۋگە ارنالعان ءوتىنىشتى قاراۋ ءۇشىن ول اقپاراتتار (قۇجاتتار) پاكەتىمەن بىرگە بولەك قاپتامادا جىبەرىلەدى.
اقپارات قۇرامىنداعى كوممەرتسيالىق قۇپيا مەملەكەتتىك ورگانعا ونى ۇسىنعاندا باس تارتۋعا نەگىز بولا المايدى, بۇل رەتتە مۇددەلى تۇلعالار اقپاراتتى بەرەتىن كەزدە كوممەرتسيالىق قۇپيانى قامتيتىن مالىمەتتەردىڭ تولىق تىزبەسىن كورسەتەدى نە مۇددەلى تۇلعانىڭ كوممەرتسيالىق قۇپيانى قامتيتىن مالىمەتتەردىڭ تىزبەسىن بەكىتۋ تۋرالى اكتى كوشىرمەسىن قوسا بەرەدى.
36. زاڭنىڭ 12-1-بابى 6-تارماعىنا سايكەس جەكە ءتاريفتىڭ كولەمى ەنەرگيا ءوندىرۋشى ۇيىمنىڭ ينۆەستيتسيالىق شارتتا كوزدەلگەن قۋاتتاردى قوسۋ جونىندەگى مىندەتتەمەلەردى ورىنداۋ كەزىندەگى ەسەپتىك تاريفتەن تومەن ءمانىن قابىلدامايدى.
37. جەكە تاريف ينۆەستيتسيالىق باعدارلامانىڭ قۇنىنىڭ ءوسۋى جاعدايىندا ەسەپتىك تاريفتەن جوعارى بەكىتىلەدى. بۇل رەتتە ينۆەستيتسيالىق باعدارلاما قۇنىنىڭ ارتۋى ۋاكىلەتتى ورگانمەن جانە مەملەكەتتىك ورگانمەن كەلىسىلەدى.
38. جەكە تاريفتەردى قالىپتاستىرۋ كەزىندە باعا بەلگىلەۋدىڭ شىعىندىق تەتىگى پايدالانىلادى. بۇل رەتتە ەلەكتر ەنەرگياسىن وندىرۋگە جانە ءتيىستى بۋحگالتەرلىك ەسەپتىڭ ستاندارتتارىنا تىكەلەي قاتىستى شىعىندار ەسكەرىلەدى.
39. مەملەكەتتىك بيۋدجەتتىڭ قاراجاتىنان ەنەرگيا ءوندىرۋشى ۇيىمعا بولىنەتىن سۋبسيديا, ءتاريفتىڭ شىعىن بولىگىندە ەسكەرىلمەگەن شىعىستارعا باعىتتالعان سۋبسيديالاردى قوسپاعاندا, جەكە ءتاريفتىڭ شىعىن بولىگىندە كەمىتۋ ەسكەرىلەدى.
40. جەكە تاريفتەردى قالىپتاستىرۋ تاۋارلاردىڭ (جۇمىستاردىڭ, قىزمەتتەردىڭ) ءار ءتۇرى بويىنشا شىعىنداردىڭ بولەك ەسەبى نەگىزىندە جۇزەگە اسىرىلادى. ەنەرگيا ءوندىرۋشى ۇيىمداردا تاۋارلاردىڭ (جۇمىستاردىڭ, قىزمەتتەردىڭ) تۇرلەرى بويىنشا شىعىنداردىڭ بولەك ەسەبى بولماعان جاعدايدا, ەنەرگيا ءوندىرۋشى ۇيىمداردىڭ جالپى شىعىندارى ەنەرگيا ءوندىرۋشى ۇيىمداردىڭ شىعىندارىنداعى وتكىزۋدەن ء(وندىرىستىڭ كولەمىنەن وندىرىستىك پەرسونالدىڭ ەڭبەگىنە اقى تولەۋگە ارنالعان شىعىنداردان) الىنعان تابىستىڭ ۇلەستىك سالماعى بويىنشا تاۋارلاردى (جۇمىستاردى, قىزمەتتەردى) وتكىزەتىن ەنەرگيا ءوندىرۋشى ۇيىمدار قىزمەتىنىڭ بەلگىلى ءبىر تۇرىنە جاتاتىن شىعىنداردى ايقىنداۋدى كوزدەيتىن جاناما ادىستەر نەگىزىندە وتكىزىلەتىن تاۋارلار (جۇمىستار, قىزمەتتەر) تۇرلەرى بويىنشا ەسەپتەلەدى.
41. جەكە ءتاريفتى قالىپتاستىرۋ كەزىندە مىنالار ەسكەرىلەدى:
1) وزىندىك قۇنعا كىرەتىن ماتەريالدىق شىعىستار راستاۋشى قۇجاتتاردا (شارتتاردا, شوت-فاكتۋرالاردا) كوزدەلگەن باعالارعا قاراي جانە ءونىم بىرلىگىن شىعارۋعا شيكىزات, ماتەريالدار, وتىن, ەنەرگيا, ماتەريالدىق رەسۋرستار شىعىسىنىڭ قولدانىلاتىن نورمالارىنا جانە (نەمەسە) ماتەريالدىق رەسۋرستاردىڭ جىلدىق نورمالارىنا قاراي ناقتى كولەمدە ايقىندالادى;
2) پەرسونالدىڭ ەڭبەگىنە اقى تولەۋ شىعىستارى, ەڭبەك زاڭناماسىنا سايكەس ەڭبەككە اقى تولەۋ جۇيەسىندە كوزدەلگەن ەڭبەك جاعدايلارى ءۇشىن قوسىمشا اقىلار مەن ۇستەمەاقىلار تولەۋدى قوسا العاندا, جەكە ءتاريفتى قالىپتاستىرۋ كەزىندە ەسكەرىلەدى;
3) امورتيزاتسيالىق اۋدارىمدار ەنەرگيا ءوندىرۋشى ۇيىمنىڭ ەسەپكە الۋ ساياساتىندا كوزدەلگەن ءادىستى پايدالانا وتىرىپ ايقىندالادى جانە نەگىزگى قۇرالداردىڭ قۇنىن ارتتىرۋعا الىپ كەلەتىن كۇردەلى جوندەۋ جۇمىستارىن جۇرگىزۋگە جانە ينۆەستيتسيالىق جوبالاردى ىسكە اسىرۋعا باعىتتالادى;
4) ينۆەستيتسيالىق جوبانى ىسكە اسىرۋعا ارنالعان قارىز قاراجاتى ءۇشىن الەۋەتتى ءونىم بەرۋشىلەردىڭ قىزمەتتەرىن قارجىلاندىرۋ جاعدايلارىن راستايتىن قۇجاتتار بولعان كەزدە سىياقى تولەۋگە جۇمسالعان شىعىستار;
5) ەلەكتر ەنەرگياسىن وندىرۋگە تىكەلەي قاتىستى, سونداي-اق نەگىزدەۋشى ماتەريالدارمەن راستالعان (شارتتار, شوت-فاكتۋرالار, قارجىلىق جانە باسقا قۇجاتتار) باسقا دا شىعىستار.
42. جەكە ءتاريفتى قالىپتاستىرۋ كەزىندە قامتىلاتىن پايدانىڭ دەڭگەيىن ايقىنداۋ كەزىندە ەنەرگيا ءوندىرۋشى ۇيىمداردىڭ ءتيىمدى جۇمىس ىستەۋى جانە دامۋى ءۇشىن قاجەتتى قاراجات ەسكەرىلەدى.
43. جەكە ءتاريفتى قالىپتاستىرۋ كەزىندە وزىندىك قۇندا مىناداي شىعىستار:
1) ەلەكتر ەنەرگياسىن ءوندىرۋ كەزىندە پايدالانىلمايتىن نەگىزگى قۇرالداردىڭ امورتيزاتسيالىق اۋدارىمدارى;
2) لاستاۋشى زاتتاردىڭ نورماتيۆتەن تىس شىعارىمدارى (تاستاندىلارى) ءۇشىن تولەمدەر;
3) ءۇمىتسىز بورىشتار;
4) شارۋاشىلىق شارتتارىنىڭ تالاپتارىن بۇزعانى ءۇشىن ايىپپۇلدار, ءوسىمپۇلدار, تۇراقسىزدىق ايىبى جانە سانكتسيالاردىڭ باسقا دا تۇرلەرى, سوت شىعىندارى;
5) تابىستى جاسىرعانى (كەمىتكەنى) ءۇشىن ايىپپۇلدار مەن ءوسىمپۇلدار;
6) ۇرلانۋدان بولعان زالالدار;
7) وندىرىستە قولدانىسقا ەنگىزىلمەگەن قىزمەت كورسەتەتىن شارۋاشىلىقتار مەن ۋچاسكەلەردى ۇستاۋعا ارنالعان شىعىندار ء(ۇي-جايلاردى تەگىن بەرۋ, قوعامدىق تاماقتانۋ ۇيىمدارىنا كوممۋنالدىق قىزمەتتەردىڭ قۇنىن تولەۋ جانە سول سياقتى);
8) كاسىپتىك-تەحنيكالىق ۋچيليششەلەردى قوسپاعاندا, دەنساۋلىق ساقتاۋ, مەكتەپكە دەيىنگى بالالار ۇيىمدارىنىڭ, وقۋ مەكەمەلەرىنىڭ وبەكتىلەرىن ۇستاۋعا;
9) ساۋىقتىرۋ لاگەرلەرىن, مادەنيەت جانە سپورت, تۇرعىن ءۇي قورىنىڭ وبەكتىلەرىن ۇستاۋعا;
10) ۇيىمنىڭ قىزمەتكەرلەرى تۇرعىن ءۇي جاعدايلارىن جاقسارتۋعا, باۋ-باقشالىق شاعىن ۇيلەر ساتىپ الۋعا جانە ءۇي شارۋاشىلىعىن جۇرگىزۋگە العان نەسيەلەردى (پايىزسىزدى قوسا العاندا) وتەۋگە;
11) مادەني-اعارتۋ, ساۋىقتىرۋ جانە سپورتتىق ءىس-شارالارىن (دەمالىس كەشتەرىن, كونتسەرتتەردى جانە باسقالاردى وتكىزۋ) وتكىزۋگە;
12) باۋ-باقشا سەرىكتەستىكتەرىن (جولدار سالۋ, ەنەرگيامەن جانە سۋمەن جابدىقتاۋ, جالپى سيپاتتاعى باسقا دا شىعىستاردى جۇزەگە اسىرۋ) اباتتاندىرۋعا ارنالعان;
13) دەمەۋشىلىك كومەك كورسەتۋگە;
14) اقاۋدان بولعان ىسىراپقا;
15) ءوندىرىستىڭ ۆاحتالىق ۇيىمدارىن قوسپاعاندا, ەنەرگيا ءوندىرۋشى ۇيىمداردىڭ پەرسونالى ءۇشىن پاتەرلەردى, تۇرعىن ءۇي عيماراتتارىن جانە قۇرىلىستاردى, جاتاقحانالاردان جانە قوناق ۇيلەردەن ورىندار ساتىپ الۋعا, جالداۋعا جانە ۇستاۋعا;
16) مەرەيتوي كۇندەرىنە سىيلىقتار ساتىپ الۋعا نەمەسە قىزمەتكەرلەرگە كوتەرمەلەۋ تۇرىندە بەرىلەتىن;
17) نورماتيۆتەن تىس تەحنيكالىق جانە كوممەرتسيالىق ىسىراپتارعا, تاۋارلىق-ماتەريالدىق قۇندىلىقتاردىڭ جانە قويمالارداعى قورلاردىڭ ب ۇلىنۋىنە جانە جەتىسپەۋشىلىگىنە, باسقا دا ءونىمسىز شىعىستارعا ارنالعان;
18) تىكەلەي ەلەكتر ەنەرگياسىن وندىرۋگە جاتپايتىن, سونداي-اق نەگىزدەۋشى ماتەريالدارمەن راستالماعان (شارتتار, شوت-فاكتۋرالار, قارجىلىق جانە باسقا قۇجاتتار) شىعىندار ەسكەرىلمەيدى.
44. مەملەكەتتىك ورگان جەكە ءتاريفتى بەكىتۋگە ارنالعان وتىنىمدەردى قاراۋ كەزىندە:
ەنەرگيا ءوندىرۋشى ۇيىم قولداناتىن ءونىم بىرلىگىن شىعارۋعا ارنالعان شيكىزاتتىڭ, وتىن ماتەريالدارىنىڭ, ەنەرگيانىڭ, ماتەريالدىق رەسۋرستاردىڭ شىعىس نورمالارىنا جانە (نەمەسە) ءتيىستى سالالىق نورمالارمەن نەمەسە باسقا ەنەرگيا ءوندىرۋشى ۇيىمدار قولداناتىن نورمالارمەن سالىستىرۋ جولىمەن ماتەريالدىق رەسۋرستاردىڭ جىلدىق نورمالارىنا;
باسقا ەنەرگيا ءوندىرۋشى ۇيىمداردىڭ ەڭبەككە اقى تولەۋگە ارنالعان شىعىندارىمەن بىرگە ەنەرگيا ءوندىرۋشى ۇيىمنىڭ پەرسونالىنا ەڭبەككە اقى تولەۋگە ارنالعان شىعىستارعا;
ەلەكتر ەنەرگياسىنا باعانى وسىرۋگە ەلەۋلى ىقپال ەتەتىن باسقا دا شىعىستارعا سالىستىرمالى تالداۋ جۇرگىزەدى.
45. مەملەكەتتىك ورگان جەكە ءتاريفتى بەكىتۋگە ارنالعان ءوتىنىمدى العان كۇننەن باستاپ, 5 جۇمىس كۇنى ىشىندە ۇسىنىلعان ماتەريالداردىڭ تولىقتىعىن تەكسەرەدى جانە ەنەرگيامەن جابدىقتاۋشى ۇيىمدى جازباشا تۇردە ءوتىنىمدى قاراۋعا قابىلداعانى تۋرالى نەمەسە ءوتىنىمدى قاراۋدان باس تارتىلعانى تۋرالى باس تارتۋدىڭ سەبەپتەرىن كەلتىرە وتىرىپ, حاباردار ەتەدى.
ەنەرگيا ءوندىرۋشى ۇيىمنىڭ جەكە ءتاريفتى بەكىتۋگە ارنالعان ءوتىنىمىن قابىلداۋدان باس تارتۋ سەبەپتەرى:
1) وسى قاعيدالاردىڭ 32, 33-تارماقتارىندا كورسەتىلگەن قۇجاتتاردى ۇسىنباۋ;
2) ۇسىنىلعان قۇجاتتاردىڭ وسى قاعيدالاردىڭ 35-تارماعىنا سايكەس كەلمەۋى;
3) جالعان اقپاراتتى قامتيتىن قۇجاتتاردى ۇسىنۋ بولىپ تابىلادى.
46. جەكە ءتاريفتى بەكىتۋگە ارنالعان ءوتىنىمدى مەملەكەتتىك ورگان كۇنتىزبەلىك وتىز كۇن ىشىندە قارايدى.
47. مەملەكەتتىك ورگان جەكە تاريفتەردىڭ جوبالارىنا ەنەرگيا ءوندىرۋشى ۇيىم جەكە ءتاريفتى بەكىتۋگە ارنالعان وتىنىممەن بىرگە ۇسىنعان نەگىزدەۋشى قۇجاتتار مەن ەسەپ ايىرىسۋلاردى تالداۋ, سونداي-اق قىزمەتتىڭ ۇقساس تۇرىمەن اينالىساتىن ەنەرگيا ءوندىرۋشى ۇيىمدار قىزمەتىنىڭ كورسەتكىشتەرىن سالىستىرمالى تالداۋ نەگىزىندە ساراپتاما جۇرگىزەدى.
48. «تابيعي مونوپوليالار جانە رەتتەلەتىن نارىقتار تۋرالى» قازاقستان رەسپۋبليكاسىنىڭ 1998 جىلعى 9 شiلدەدەگi زاڭىنىڭ 14-بابى 9-تارماعىنا سايكەس مەملەكەتتىك ورگان ءوزىنىڭ شەشىمى بويىنشا ەنەرگيا ءوندىرۋشى ۇيىمنان ەنەرگيا ءوندىرۋشى ۇيىمنىڭ قىزمەتى تۋرالى قوسىمشا اقپاراتتى ۇسىنۋ مەرزىمدەرىن كورسەتە وتىرىپ, ونى سۇرايدى. بۇل رەتتە ءوتىنىمدى قاراۋ مەرزىمى سۇراتىلعان اقپاراتتى العانعا دەيىن توقتاتىلا تۇرادى. قاراۋ مەرزىمىن ۇزارتۋ كۇنتىزبەلىك وتىز كۇننەن اسپايدى.
49. مەملەكەتتىك ورگان جۇرگىزىلگەن ساراپتامانىڭ ناتيجەلەرى بويىنشا جەكە ءتاريفتى بەكىتۋ نەمەسە ونى بەكىتۋدەن باس تارتۋ تۋرالى شەشىم قابىلدايدى.
50. مەملەكەتتىك ورگاننىڭ جەكە ءتاريفتى بەكىتۋ تۋرالى شەشىمى مەملەكەتتىك ورگاننىڭ بۇيرىعىمەن رەسىمدەلەدى جانە ەنەرگيا ءوندىرۋشى ۇيىمعا جىبەرىلەدى, بۇيرىقتىڭ كوشىرمەسى ۋاكىلەتتى ورگانعا جىبەرىلەدى.
51. جەكە تاريف قولدانىستاعى ينۆەستيتسيالىق باعدارلامانى تۇزەتكەن نەمەسە جاڭا ينۆەستيتسيالىق باعدارلامانى ىسكە اسىرعان جاعدايدا وزگەرەدى.
52. جەكە ءتاريفتى تۇزەتۋ مەملەكەتتىك ورگان جەكە ءتاريفتى بەكىتۋ تۋرالى شەشىم قابىلداعاننان كەيىن جانە ينۆەستيتسيالىق شارتقا قوسىمشا كەلىسىم جاساسقاننان كەيىن جۇرگىزىلەدى.
53. جەكە ءتاريفتى قولدانىسقا ەنگىزۋ جەكە ءتاريفتى بەكىتكەن كۇننەن باستاپ جۇزەگە اسىرىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 17 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10752 بولىپ ەنگىزىلدى.